कैलालीमा जुवातास खेलिरहेको अवस्थामा १० जना पक्राउ परेका छन् । कैलालीको जोशीपुर गाउँपालिका-५ बनकट्टा बस्ने ३२ वर्षीय प्रवेश चौधरीको कुखुरा फर्ममा जुवातास खेलिरहेको अवस्थामा चौधरीसहित १० जनालाई गएराति प्रहरीले पक्राउ गरेको हो ।

विशेष सूचनाको आधारमा सुदुरपश्चिम प्रदेश प्रहरी कार्यालय धनगढी र इलाका प्रहरी कार्यालय भजनीबाट खटिएको संयुक्त टोलीले उनीहरुलाई पक्राउ गरेको हो । प्रहरीले जुवा खालबाट  नगद १ लाख १३ हजार रूपैयाँ र ४ बुक तास बरामद गरेको छ  ।

यस सम्बन्धमा प्रहरीले आवश्यक अनुसन्धान गरिरहेको छ ।