जुवातास खेलिरहेको अवस्थामा ललितपुरमा छ जना पक्राउ परेका छन् । ललितपुर, महालक्ष्मी नगरपालिका-४ डेरा गरी बस्ने सिन्धुपाल्चोक घर भएकी ४५ वर्षीया रेवती नेपालीको फेन्सी पसलमा जुवातास खेलिरहेको अवस्थामा छ जना पक्राउ परेका हुन् ।

पक्राउ पर्नेमा नेपालीसहित ६ जना रहेका छन् । उनीहरुलाई बुधबार राति प्रहरीले पक्राउ गरेको हो । प्रहरी परिसर ललितपुर र प्रहरी वृत्त सातदोबाटोबाट खटिएको प्रहरी टोलीले उनीहरूलाई नगद ९४ हजार रूपैयाँ र ३ बुक ताससहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।