देशका विभिन्न स्थानबाट मृत अवस्थामा ४ जना फेला परेका छन् । झापा, हल्दिबारी गाउँपालिका-२ कलबर बस्ती बस्ने ५२ वर्षीय नवराज रेग्मी सोही ठाउँस्थित कुलोमा शुक्रबार मृत अवस्थामा फेला परेका छन् ।

त्यस्तै प्युठान, प्युठान नगरपालिका-८ डाँडाधारा बस्ने ५८ वर्षीय ईन्द्रे सार्की सोही ठाउँस्थित सडकमा शुक्रबार मृत अवस्थामा फेला परेका छन् । यता सोलुखुम्बु, खुम्बुपासाङ ल्हामु गाउँपालिका-१ पैयास्थित सडकबाट करिब १ सय ५० मिटर तल हाल नाम, थर, वतन नखुलेका अन्दाजी २५ वर्षीय पुरुष शुक्रबार मृत अवस्थामा फेला परेका छन् ।

यस्तै काठमाडौं, शंखरापुर नगरपालिका-७ जिरोकिलोस्थित पाटीमा हाल नाम, थर, वतन नखुलेका अन्दाजी ६५ वर्षीय पुरुष शुक्रबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।