देशका विभिन्न स्थानबाट मृत अवस्थामा ४ जना फेला परेका छन् । नुवाकोट, बिदुर नगरपालिका-५ पिपलटार डेरा गरी बस्ने धादिङ ज्वालामुखी गाउँपालिका-१ घर भएका ५० वर्षीय सुका काजी कुमाल आफ्नै कोठामा बुधबार मृत अवस्थामा फेला परेका छन् ।

त्यस्तै बागलुङ, गलकोट नगरपालिका-११ रिघाफेदीस्थित दरम खोलाको किनारमा सोही ठाउँ बस्ने ५२ वर्षीय नर बहादुर राना बुधबार मृत अवस्थामा फेला परेका छन् । यता सिन्धुपाल्चोक, ईन्द्रावती गाउँपालिका-१२ पौवास्थित सडकको नालीमा सोही गाउँपालिका-७ पोखरे बस्ने ३३ वर्षीय सागर बिक बुधबार मृत अवस्थामा फेला परेका छन् ।

यस्तै कालिकोट, खाँडाचक्र नगरपालिका-२ थामकोट बस्ने २८ वर्षीय सर्जन पाण्डे सोही ठाउँस्थित कुटेखोलामा बुधबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको छ ।