देशका विभिन्न स्थाबता मृत अवस्थामा ८ जना फेला परेका छन् । बझाङ, बुंगल नगरपालिका-४ पिपलकोट बस्ने २१ वर्षीय मनोज भुल सोही ठाउँस्थित हापेखोला बस्ने हर्क सिंहको पसलको अगाडि मंगलबार मृत अवस्थामा फेला परेका छन् ।

त्यस्तै झापा, दमक नगरपालिका-३ स्थित कृपा चर्चमा बस्दै आएका पोखरा घर बताउने ८० वर्षीय राम बहादुर प्रधान आफ्नै सुत्ने कोठामा मंगलबार मृत अवस्थामा फेला परेका छन् । यता सुनसरी, धरान उपमहानगरपालिका-१५ बरगाछीस्थित व्याडमिन्टन खेल्ने खाली ग्राउण्डमा धनकुटा छथर जोरपाटी गाउँपालिका-६ सिधुवा बजार घर भई हाल धरान बजारमा प्लाष्टिकका बोतल बटुली हिंड्ने ३३ वर्षीय सुशान राई मंगलबार मृत अवस्थामा फेला परेका छन् ।

यस्तै उदयपुर, बेलका नगरपालिका-७ स्थित कोशी किनारमा हाल नाम, थर, वतन नखुलेका अन्दाजी ६० वर्षीय पुरुष मंगलबार मृत अवस्थामा फेला परेका छन् । उता सर्लाही, रामनगर गाउँपालिका-१ स्थित मनुसमारा खोलामा सोही ठाउँ बस्ने १८ वर्षीय कामोद यादव सोमबार मृत अवस्थामा फेला परेका छन् ।

यता बागलुङ, तमानखोला गाउँपालिका-६ नर्जाखानी बस्ने ७५ वर्षीय टंक बहादुर छन्त्याल सोही ठाउँस्थित नर्जाखानी खोलामा सोमबार मृत अवस्थामा फेला परेका छन् । यसैगरी नवलपरासी पूर्व, कावासोती नगरपालिका-८ स्थित हाल नाम, थर, वतन नखुलेका अन्दाजी ४५ वर्षीय पुरूष मंगलबार मृत अवस्थामा फेला परेका छन् ।

त्यसैगरी चितवन, भरतपुर महानगरपालिका-३ स्थित वडा कार्यालय नजिक प्रतिक्षालयमा कवाड संकलन गरी हिँड्ने बुढे भनेर चिनिने हाल नाम, थर, वतन नखुलेका अन्दाजी २८ वर्षीय पुरूष सोमबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।