देशका विभिन्न स्थानबाट मृत अवस्थामा ४ जना फेला परेका छन् । काठमाडौं महानगरपालिका-१३ सोल्टी मोडस्थित सडक पेटीमा चन्द्रागिरी नगरपालिका-६ घर भएका २६ वर्षीय सुमन कार्की शनिबार मृत अवस्थामा फेला परेका छन् ।

त्यस्तै इलाम, सन्दकपुर गाउँपालिका-१ अप्ठ्यारे बस्ने ५१ वर्षीया तारा माया थेवे आफ्नै घरमा शुक्रबार मृत अवस्थामा फेला परेकी छिन् । प्रहरीले थप अनुसन्धानको लागि मृतकका श्रीमानलाई नियन्त्रणमा लिएको छ ।यता कास्की, माछापुच्छ्रे  गाउँपालिका-७ पोखरी बस्ने ३४ वर्षीय सुशिल परियार आफ्नै घरमा शुक्रबार मृत अवस्थामा फेला परेका छन् ।

यस्तै स्याङजा, कालीगण्डकी गाउँपालिका-७ मिर्मीस्थित कालीगण्डकी ड्याम साईडमा हाल नाम, थर, वतन नखुलेका अन्दाजी ३० वर्षीय पुरूष शुक्रबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।