देशका विभिन्न स्थानबाट मृत अवस्थामा ९ जना फेला परेका छन् । काठमाडौं, महानगरपालिका-८ गौशाला चोकस्थित पशुपति गौशाला धर्मशालाको कोठामा सर्लाही कविलासी नगरपालिका-४ घर भएका ३४ वर्षीय पोनेलाल राय शनिबार मृत अवस्थामा फेला परेका छन् ।

उनी कतारबाट नेपाल आई सो कोठामा बसेको खुल्न आएको छ । त्यस्तै स्याङ्जा, कालीगण्डकी गाउँपालिका-७ मिर्मीस्थित कालीगण्डकी पावर हाउस ड्याममा पर्बत कुश्मा नगरपालिका-११ बस्ने ६८ वर्षीया मनमाया सुनार शनिबार मृत अवस्थामा फेला परेकी छन् ।

यस्तै सप्तरी, हनुमाननगर कंकालिनी नगरपालिका-१ स्थित कंकालिनी मन्दिर र कोशी पुलको बिच भागको पानीमा सिरहा सुखिपुर नगरपालिका-८ बस्ने ७० वर्षीय लखन महतो शनिबार मृत अवस्थामा फेला परेका छन् । यता झापा, बुद्धशान्ति गाउँपालिका-१ जलकन्या टोल बस्ने ६४ वर्षीया हिमा देवी राई आफ्नै घरमा शनिबार मृत अवस्थामा फेला परेकी छन् ।

यसैगरी सुनसरी, इटहरी उपमहानगरपालिका-४ पान्धारे चोक बस्ने ५० वर्षीया लीला पौडेल आफ्नै घरमा शनिबार मृत अवस्थामा फेला परेकी छन् । उता डोटी, दिपायल सिलगढी नगरपालिका-६  टुँडिखेल बस्ने ५५ वर्षीय शिवराज श्रेष्ठ सोही ठाउँस्थित टेक बहादुर केसीको मानिस नबस्ने खाली घरमा शनिबार मृत अवस्थामा फेला परेका छन् ।

त्यसैगरी चितवन, भरतपुर महानगरपालिका-२८ सिशाबासस्थित नारायणी नदीको बगरमा हाल नाम, थर, वतन नखुलेका अन्दाजी ४५ वर्षीय पुरूष शनिबार मृत अवस्थामा फेला परेका छन् । यस्तै कैलाली, टीकापुर नगरपालिका-१ बनगाउँ बिच्का पुरुवास्थित खेतमा हाल नाम, थर, वतन नखुलेका अन्दाजी ६० वर्षीय पुरुष शनिबार मृत अवस्थामा फेला परेका छन् ।

त्यस्तै इलाम, माई नगरपालिका-८ स्थित मैनाचुली सामुदायिक बनमा हाल नाम, थर, वतन नखुलेका अन्दाजी ४२ वर्षीय पुरुष शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।