देशका विभिन्न स्थानबाट मृत अवस्थामा ६ जना फेला परेका छन् ।  काठमाडौं महानगरपालिका-१६ माछापोखरी डेरा गरी बस्ने सिता तामाङ नाम गरेकी करिब ३६ वर्षीया महिला आफ्नै कोठामा सोमबार मृत अवस्थामा फेला परेकी छन् । उनको एकिन नाम, वतन खुल्न सकेको छैन ।

त्यस्तै रौतहट, राजपुर नगरपालिका-६ कुडिया टोल बस्ने २५ वर्षीया शमसिदा खातुन आफ्नै घरको कोठामा मंगलबार मृत अवस्थामा फेला परेकी छन् । यता पर्वत, महाशिला गाउँपालिका-४ धुवाकोट चिसापानी खोलामा सोही ठाउँस्थित धुवाकोट बस्ने ३९ वर्षीय जगत घिमिरे मंगलबार मृत अवस्थामा फेला परेका छन् ।

यस्तै खोटाङ, खोटेहाङ गाउँपालिका-८ बस्ने ७३ वर्षीय मान बहादुर थापा सोही ठाउँस्थित खिउ खोलामा आइतबार मृत अवस्थामा फेला परेका छन् । उता रूकुम पश्चिम, चौरजहारी नगरपालिका-१० नाउला सामुदायिक वनमा सल्यान दार्मा गाउँपालिका-२ बस्ने ५२ वर्षीय मुकुन्द शर्मा आइतबार मृत अवस्थामा फेला परेका छन् ।

यता चितवन, भरतपुर महानगरपालिका-१४ बरौजी बस्ने ६५ वर्षीय बिष्णु प्रसाद तिवारी आफ्नै घरभित्र सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।