देशका विभिन्न स्थानबाट मृत अवस्थामा पाँच फेला परेका छन् । संखुवासभा, मादी नगरपालिका-४ गुरुङ गुम्बा भन्‍ने स्थानमा सोही नगरपालिका-३ मुलाबारी बस्‍ने ४७ वर्षीया मनिता बिक शुक्रबार मृत अवस्थामा फेला परेकी छन् ।

त्यस्तै रौतहट, यमुनामाई गाउँपालिका-४ झाझपुलस्थित बन्दै गरेको नयाँ पुलको पिलरको गोलोरिङ भित्र पानीमा हाल नाम, थर, वतन नखुलेका अन्दाजी २२ वर्षीय पुरुष शुक्रबार मृत अवस्थामा फेला परेका छन् । यता इलाम, फाकफोक्थुम गाउँपालिका-७ खबुवा बस्ने ५५ वर्षीय मन बहादुर लिम्बु सोही ठाउँ बस्ने दौलत लिम्बुको घरको पिढीमा शुक्रबार मृत अवस्थामा फेला परेका छन् ।

यस्तै पाल्पा, तानसेन नगरपालिका-१४ दुमैस्थित कालिगण्डकी नदीमा रिब्दीकोट गाउँपालिका-३ मालमुल बस्ने ६७ वर्षीय होम बहादुर खत्री बिहीबार मृत अवस्थामा फेला परेका छन् । उता चितवन, भरतपुर महानगरपालिका-१६ बस्ने १८ को समीर परियार सोही ठाउँस्थित नारायणी नदीको किनारमा बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।