नवकान्तिपुर संवाददाता
काठमाडौं, १५ मंसिर ।
कास्कीबाट जुवातास खेलिरहेको अवस्थामा ५ जना पक्राउ परेका छन् । कास्की, पोखरा महानगरपालिका-९ शिवटोल बस्ने ३७ वर्षीय गीता लामाको घरमा जुवातास खेलिरहेको अवस्थामा ५ जना पक्राउ परेका हुन् ।
पक्राउ पर्नेमा घरमालिक लामासहित ५ जनारहेका छन् । उनीहरुलाई बुधबार पक्राउ गरेको हो । उक्त घरमा जुवा खेलाएको भन्ने खबर प्राप्त हुनासाथ खटिएको प्रहरीले उनीहरूलाई नगद २९ हजार ३ सय ४० रूपैयाँ र १ बुक ताससहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
