देशका विभिन्न स्थानबाट मृत अवस्थामा ६ जना फेला परेका छन् । काठमाडौं, तार्केश्वर नगरपालिका-६ धर्मस्थली सानोबाइपास बस्ने नुवाकोट बाराही घर भएकी ३४ वर्षीया शोभा राई आफ्नै कोठामा बिहीबार मृत अवस्थामा फेला परेकी छिन् ।

त्यस्तै धादिङ, गल्छी गाउँपालिका-४ चिरौदी बस्ने ७० वर्षीय स्वस्ति बहादुर अधिकारी सोही ठाउँस्थित चिरौदी खोलाको कुलोमा बिहीबार मृत अवस्थामा फेला परेका छन् । यता पाँचथर, कुम्मायक गाउँपालिका-४ बस्ने ५९ वर्षीय मरिजमा सम्बाहाम्फे आफ्नै खेतमा बिहीबार मृत अवस्थामा फेला परेका छन् ।

यस्तै रूकुम पूर्व, सिस्ने गाउँपालिका-४ नमुना बस्ती बस्ने ४८ वर्षीया कमला विक आफ्नै घरमा बिहीबार मृत अवस्थामा फेला परेकी छिन् । त्यस्तै ललितपुर, गोदावरी नगरपालिका-१२ ठेचो नख्खुखोलास्थित चाइनिज इटा भट्टाको टहराभित्र हाल नाम, थर, वतन नखुलेका अन्दाजी ४० वर्षीय पुरुष बिहीबार मृत अवस्थामा फेला परेका छन् ।

उता पाल्पा, तिनाउ गाउँपालिका-५ चर्चरेस्थित सिद्धार्थ राजमार्गको छेउमा रहेको भिरालो जमिनमा हाल नाम, थर, वतन नखुलेका अन्दाजी २० वर्षीय पुरुष बिहीबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको छ ।