देशका विभिन्न स्थानबाट मृत अवस्थामा ६ जना फेला परेका छन् । तनहुँ, घिरिङ गाउँपालिका-१ गडेलटारस्थित कालिगण्डकी नदीको किनारमा पाल्पा पुर्वाखोला गाउँपालिका-१ घर भई हाल रामपुर नगरपालिका-७ किशानबारी बस्ने २२ वर्षीय सन्तोष पन्थी शुक्रबार मृत अवस्थामा फेला परेका छन् ।

त्यस्तै दाङ, घोराही उपमहानगरपालिका-९ पोखरा बस्ने ४० वर्षीय कृष्ण बहादुर डाँगी घर नजिकै रहेको पिपल चौतारीमा शनिबार मृत अवस्थामा फेला परेका छन् । यता काभ्रे, पाचँखाल नगरपालिका-१३ तिमालबेशीस्थित कोशी नदीमा बनेपा नगरपालिका-६ बस्ने २० वर्षीया बिमला श्रेष्ठ शुक्रबार मृत अवस्थामा फेला परेकी छिन् ।

यस्तै गोरखा, बारपाक सुलिकोट गाउँपालिका-६ झाङटारस्थित दरौदी नदीमा सोही ठाउँ बस्ने ७४ वर्षीय गज बहादुर बराम शुक्रबार मृत अवस्थामा फेला परेका छन् । उता मोरङ, बिराटनगर महानगरपालिका-६ रामपुर बस्ने ७१ वर्षीया गायत्री देवी साह सोही ठाउँस्थित केसलिया खोलामा शुक्रबार मृत अवस्थामा फेला परेकी छन् ।

यस्तै स्याङजा, फेदीखोला गाउँपालिका-२ पोखरी बराय चौतारी मुनि फेदीखोलामा सोही गाउँपालिका-१ फेदीखोला बस्ने ३५ वर्षीय लाल बहादुर भुजेल शुक्रबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।