नवकान्तिपुर संवाददाता
काठमाडौं, २१ मंसिर ।
नेकपा (माओवादी केन्द्र) नेपाली कांग्रेस र नेकपा (एकीकृत समाजवादी) लगायत प्रमुख सत्तारुढ गठबन्धन दलका शीर्ष नेताबीच भेटवार्ता भएको छ ।
बुधबार प्रधानमन्त्री निवास बालुवाटारमा प्रधानमन्त्री पुष्पकमल दाहाल ‘प्रचण्ड’, कांग्रेस सभापति शेरबहादुर देउवा र नेकपा (एकीकृत समाजवादी)का अध्यक्ष माधवकुमार नेपालबीच भेटवार्ता भएको हो ।
भेटवार्तामा समसामयिक तथा राजनीतिक विषयमा छलफल भएको बालुवाटार स्रोतले बताएको छ । त्यस्तै भेटमा उनीहरूबीच अर्थतन्त्रका विषयमा छलफल भएको प्रधानमन्त्रीको सचिवालयले जनाएको छ ।
