देशका विभिन्न स्थानबाट मृत अवस्थामा ५ जना फेला परेका छन् । काठमाडौं महानगरपालिका-१३ कालिमाटीस्थित टहरामा डेरा गरी बस्ने रोल्पा माडी गाउँपालिका-६ घर भएका ३७ वर्षीय दिपक बिक आफ्नै डेरा कोठामा मंगलबार मृत अवस्थमा फेला परेका छन् ।

त्यस्तै चितवन, कालिका नगरपालिका-४ सुनौलो टोल बस्ने ६० वर्षीय गिर बहादुर क्षेत्री सोही ठाउँस्थित पदमपुर सामुदायिक वनमा मंगलबार मृत फेला परेका छ्न । सोमबार दिउँसो घाँस काट्न वनमा गएका उनी घर नफर्किएपछि खोजी गर्ने क्रममा शव फेला परेको हो ।

यता ललितपुर, गोदावरी नगरपालिका-५ लेले पहाडीस्थित देउपुजी सामुदायिक वनको खोल्सामा हाल नाम, थर, वतन नखुलेका करिब ३० वर्षीय पुरुष मंगलबार मृत अवस्थामा फेला परेका छन् । यस्तै मोरङ, लेटाङ नगरपालिका-३ बस्ने ७९ वर्षीय धन बहादुर पौडेल खत्री छिमेकी लाल बहादुर मगरको बलेसीमा सोमबार मृत अवस्थामा फेला परेका छन् ।

उता कपिलवस्तु, बिजयनगर गाउँपालिका-३ अमलहवा बस्ने ५० वर्षीय सूर्य शर्मा आफ्नै घरमा सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।