देशका विभिन्न स्थानबाट मृत अवस्थामा ४ जना फेला परेका छन् । ‍‍‍‍‍‍‍‍‍काठमाडौं,  दक्षिणकाली नगरपालिका-८ सिमपानी बस्ने ३६ वर्षीया सानुकान्छी लामा आफ्नै कोठामा गएराति मृत अवस्थामा फेला परेकी छिन् ।

यसैगरी काठमाडौं, दक्षिणकाली नगरपालिका-८ सिमपानी बस्ने ३५ वर्षीया सानुमाया लामा आफ्नै कोठामा बिहीबार मृत अवस्थामा फेला परेकी छिन् । त्यस्तै दाङ, तुलसीपुर उपमहानगरपालिका-१५ पहरुवा बस्ने नर बहादुर रैदाशकी छोरी १५ वर्षीया धारा रैदाश सोही ठाउँस्थित खाली टहरामा बिहीबार मृत अवस्थामा फेला परेकी छिन् ।

यस्तै स्याङ्जा, कालीगण्डकी गाउँपालिका-७ मिर्मीस्थित कालीगण्डकी जलविद्युत आयोजनाको ड्याममा हाल नाम, थर, वतन नखुलेका अन्दाजी ३५ वर्षीय पुरूष बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।