देशका विभिन्न स्थानबाट मृत अवस्थामा ५ जना फेला परेका छन् । काठमाडौं महानगरपालिका-१४ बल्‍खुस्थित बल्‍खु संयुक्त सुमो पार्कमा रहेको टिकट काउण्‍टरको कोठाभित्र कैलाली धनगढी घर बताउने २२ वर्षीय राजु थापा मंगलबार मृत अवस्थामा फेला परेका छन् ।

त्यस्तै नुवाकोट, शिवपुरी गाउँपालिका-६ बखती टोल बस्ने ७५ वर्षीया नेत्र कुमारी क्षेत्री आफ्नै बाख्राको खोरभित्र मंगलबार मृत अवस्थामा फेला परेकी छिन् । यता दाङ, बबई गाउँपालिका-४ हापुरे बस्ने ५३ वर्षीया भिम कुमारी गिरी आफ्नै कोठामा मंगलबार मृत अवस्थामा फेला परेकी छिन् ।

उता स्याङ्जा, गल्याङ नगरपालिका-३ गल्याङ बजार डेरा गरी बस्ने पाल्पा घर भएका ४८ वर्षीय कृष्ण नेपाली आफ्नै कोठामा सोमबार मृत अवस्थामा फेला परेका छन् । यस्तै सिन्धुली, कमलामाई नगरपालिका-५ आहाले बस्ने ३८ वर्षीया साबित्री तोलाङगे सोही ठाउँस्थित गोठमा मंगलबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।