देशका विभिन्न स्थानबाट मृत अवस्थामा ४ जना फेला परेका छन् । काठमाडौं महानगरपालिका-६ नयाँबस्तीस्थित सडक पेटीमा सर्लाही नवलपुर घर बताउने ६२ वर्षीय कौशल भण्डारी बुधबार मृत अवस्थामा फेला परेका छन् ।

त्यस्तै डडेल्धुरा, अमरगढी नगरपालिका-८ टाँटरस्थित राजु केसीको खाली घरमा बस्ने दशरथचन्द नगरपालिका-३ घर भएका ३६ वर्षीय नरेश नाथ सोही घरको आँगनमा बुधबार मृत अवस्थामा फेला परेका छन् ।यता खोटाङ, खोटेहाङ गाउँपालिका-३ नागि बस्ने ६६ वर्षीया क्षमा राई सोही ठाउँस्थित सडक छेउमा बुधबार मृत अवस्थामा फेला परेकी छिन् ।

यस्तै रूपन्देही, बुटवल उपमहानगरपालिका-११ स्थित हात्तीसुड पार्कको रेलिङ्ग भित्र रहेको फलामको बेन्चमा हाल नाम, थर, वतन नखुलेकी अन्दाजी ३० वर्षीया महिला बुधबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।