देशका विभिन्न स्थानबाट मृत अवस्थामा ७ जना फेला परेका छन् । सुर्खेत, बिरेन्द्रनगर नगरपालिका-९ बस्ने ४४ वर्षीय धन बहादुर बुढा सोही ठाउँस्थित खेतमा बिहीबार मृत अवस्थामा फेला परेका छन् ।

त्यस्तै सिन्धुपाल्चोक, मेलम्ची नगरपालिका-२ निगुगाउँ बस्ने ४२ वर्षीया सानु कान्छी तामाङ आफ्नै घरमा मंगलबार मृत अवस्थामा फेला परेकी छिन् । सिमेन्ट बोक्ने कतारोमा आगो बालेर परिवारका ३ सदस्य सुतेकोमा कान्छी तामाङ मृत्यु भएको अवस्थामा फेला परेकी हुन् । साथै उनका ४ दिनको छोरा सामान्य अवस्थामा छन् भने वेहोस अवस्थामा फेला परेका उनका श्रीमानको भोटेचौर स्वास्थ चौकीमा उपचार भइरहेको र अवस्था सामान्य रहेको छ ।

यता झापा, शिवसताक्षी नगरपालिका-१० स्थित वाणिज्य संघको निर्माणाधिन भवनमा सुनसरी धरान उपमहानगरपालिका-६ बस्ने ४२ वर्षीय यम कुमार धमला गएराति मृत अवस्थामा फेला परेका छन् । यस्तै दाङ, लमही नगरपालिका-३ नारायणपुरस्थित चेनुवाचपरा बस्ने ६५ वर्षीय सुखीराम चौधरी सोही ठाउँस्थित बाटोमा बुधबार मृत अवस्थामा फेला परेका छन् ।

उता मोरङ, रंगेली नगरपालिका-५ आँपगाछी बस्ने ६२ वर्षीया पारो देवी मण्डल आफ्नै घरमा बुधबार मृत अवस्थामा फेला परेकी छिन् । यता काठमाडौं महानगरपालिका-८ पशुपती देवालय पाटीको पेटीमा हाल नाम, थर, वतन नखुलेका करिब ४० वर्षीय पुरूष बुधबार मृत अवस्थामा फेला परेका छन् ।

यसैगरी ललितपुर, ललितपुर महानगरपालिका-१८ नख्खु चोभार भन्ज्याङमा हाल नाम, थर, वतन नखुलेका करिब ४० वर्षीय पुरूष बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।