देशका विभिन्न स्थानबाट मृत अवस्थामा तीन जना फेला परेका छन् । सिन्धुली, दुधौली नगरपालिका-६ लालभितीस्थित कमला खोला किनारमा सोही नगरपालिका-१ गिजिहानी बस्ने ५३ वर्षीय भिमनाथ अधिकारी शुक्रबार मृत अवस्थामा फेला परेका छन् ।

त्यस्तै पर्वत, जलजला गाउँपालिका-४ स्थित कालीगण्डकी नदीको किनारमा म्याग्दी वेनी नगरपालिका-७ शान्तीटोल बस्ने ६० वर्षीया प्रमिला जोशी शुक्रबार मृत अवस्थामा फेला परेकी छिन् ।

यस्तै झापा, शिवसताक्षी नगरपालिका-१० माईधारस्थित कन्काई खोलाको किनारमा हाल नाम, थर, वतन नखुलेका करिब ४५ वर्षीय पुरूष शुक्रबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।