देशका विभिन्न स्थानबाट मृत अवस्थामा ५ जना फेला परेका छन् । दाङ, राजपुर गाउँपालिका-२ सालघारी बस्ने ५३ वर्षीय योग प्रसाद कुमाल सोही ठाउँस्थित पानीको कुवामा मंगलबार मृत अवस्थामा फेला परेका छन् ।

त्यस्तै उदयपुर, त्रियुगा नगरपालिका-७ कुभिन्डे डेरा गरी बस्ने रौतामाई गाउँपालिका-८ जरङगे घर भएका ३३ वर्षीय सन्तोष पुलामी आफ्नै कोठाभित्र मंगलबार मृत अवस्थामा फेला परेका छन् । यता चितवन, इच्छाकामना गाउँपालिका-३ फिस्लिङ नजिकै त्रिशुली नदीको किनारमा धादिङ बेनिघाट रोराङ गाउँपालिका-९ बस्ने १९ वर्षीय रन्जन चेपाङ मंगलबार मृत अवस्थामा फेला परेका छन् ।

यस्तै बाग्लुङ, ढोरपाटन नगरपालिका-२ खल्टुबोटस्थित बडिगाड खोलामा सोही नगरपालिका-१ बुर्तिबाङ बजार घमसेन टोल बस्ने ३६ वर्षीया धनसरा श्रीपाली मंगलबार मृत अवस्थामा फेला परेकी छन् । यसैगरी दोलखा, मेलुङ गाउँपालिका-२ बासबोटे बस्ने ७२ वर्षीय सानु नर बहादुर सार्की सोही ठाउँस्थित सडकको नालामा सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।