देशका विभिन्न स्थानबाट मृत अवस्थामा चार जना फेला परेका छन् । भोजपुर, टेम्केमैयुङ गाउँपालिका-९ भड्खालेमा खोटाङ खोटेहाङ गाउँपालिका-२ वाप्लुखा बस्ने ७६ वर्षीय मौला बहादुर राई शुक्रबार मृत अवस्थामा फेला परेका छन् ।

त्यस्तै मोरङ, बुढिगंगा गाउँपालिका-१ टंकी बस्ने ६४ वर्षीया लक्ष्मी श्रेष्ठ आफ्नै घरमा शुक्रबार मृत अवस्थामा फेला परेकी छन् । यता काठमाडौं, काठमाडौं महानगरपालिका-९ रातोपुल ओरालोमा हाल नाम, थर, वतन नखुलेका अन्दाजी ७० वर्षीय पुरूष शुक्रबार मृत अवस्थामा फेला परेका छन् ।

यस्तै पर्सा, वीरगंज महानगरपालिका-१० मसानघाटभित्र हाल नाम,थर, वतन नखुलेका अन्दाजी ५५ वर्षीय पुरूष शुक्रबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।