देशका विभिन्न स्थानबाट मृत अवस्थामा ८ जना फेला परेका छन् । धनुषा, जनकपुर उपमहानगरपालिका-१ रेल्वे स्टेशनस्थित महोत्तरी भङ्गाहा स्टेशनबाट जयनगर स्टेशनतर्फ जाँदै गरेको डीपीसी १९०२ नम्बरको रेलको डव्वामा महोत्तरी लोहारपट्टी गाउँपालिका-४ खुट्टापिपराडी बस्ने ५० वर्षीय राम एकवाल पंडित मंगलबार मृत अवस्थामा फेला परेका छन् ।

त्यस्तै महोत्तरी, मटिहानी नगरपालिका-१ सानो धिरापुर ससुराली आएका भारत बिहार मधुवर्ती घर भएका ३० वर्षीय विजलाल सहनी सुसुराली घरमा मंगलबार मृत अवस्थामा फेला परेका छन् । यता नवलपरासी पूर्व, हुप्सेकोट गाउँपालिका-३ गिरुबारीस्थित मिलनटोल बस्ने ३७ वर्षीया हुमा परियार आफ्नै सुत्ने कोठमा मंगलबार मृत अवस्थामा फेला परेकी छन् ।

यस्तै भोजपुर, साल्पासिलिछो गाउँपालिका-३ ककुवा खोलास्थित बगरको झाडीमा हाल नाम, थर, वतन नखुलेकी अन्दाजी ५५ वर्षीय महिला मंगलबार मृत अवस्थामा फेला परेकी छन् । यता काठमाडौं, शंखरापुर नगरपालिका-३ बोझेनी भञ्याङ बस्ने ४६ वर्षीय बिष्णुमान वाइबा सोही ठाउँस्थित खोल्सामा सोमबार मृत अवस्थामा फेला परेका छन् ।

उता कालिकोट, सान्नीत्रिवेणी गाउँपालिका-६ काप्रिखोला बस्ने ३५ वर्षीय मनी सुनार सोही ठाउँस्थित खोल्सामा सोमबार मृत अवस्थामा फेला परेका छन् । त्यसैगरी मकवानपुर, मनहरी गाउँपालिका-६ कत्लेखोला बस्ने ५२ वर्षीया प्रितीमाया मोक्तान आफ्नै घरमा सोमबार मृत अवस्थामा फेला परेकी छिन् ।

यस्तै सुर्खेत, पंचपुरी नगरपालिका-६ कुवापानी बस्ने १८ वर्षीय भरत बुढा घरसँगै रहेको बाख्राको खोर नजिकै गएराति मृत अवस्थामा फेला परेका छन् । उनको शरीरका विभिन्न भागमा चोट देखिएको छ । साथै उनकी १५ वर्षीया बहिनी सामान्य घाइते अवस्थामा फेला परेकी छन् ।

उनको घरमा अपरचित व्यक्ति आई कुटपिट गरेको भन्ने खबर प्राप्त हुनासाथ संलग्न व्यक्तिको खोजी तथा अनुसन्धानको लागि कुकुरसहितको प्रहरी टोली यस सम्बन्धमा प्रहरीले आवश्यक अनुसन्धान गरिरहेको छ ।