देशका विभिन्न स्थानबाट मृत अवस्थामा चार जना फेला परेका छन् । झापा, कनकाई नगरपालिका-३ स्थित कन्काई ग्यारेजमा काम गरी बस्ने मेचिनगर नगरपालिका-१५ ज्यामिरगढी बस्ने ५६ वर्षीय बिजय भन्ने रुबेन राई सोही ग्यारेजमा शुक्रबार मृत अवस्थामा फेला परेका छन् ।

त्यस्तै मोरङ, बेलवारी नगरपालिका-११ टुटे रोडस्थित बस्ने भोजपुर टेङपेम्यु गाउँपालिका- ४ बस्ने ४१ वर्षीय सन्तोष राई आफ्नै बस्ने ठाउँमा गएराति मृत अवस्थामा फेला परेका छन् । यस्तै दाङ, तुलसीपुर उपमहानगरपालिका-१२ कचिला बस्ने ५६ वर्षीय भोग बहादुर चौधरी सोही उपमहानगरपालिका हरियाली टोलस्थित सडकको छेउमा शुक्रबार मृत अवस्थामा फेला परेका छन् ।

उता गुल्मी, मुसिकोट नगरपालिका-५ ईन्द्रगौडा घर भई रुपन्देही तिलोत्तमा नगरपालिका-९ ज्ञानुदय चोक बस्ने ६८ वर्षीया देविकला खराल रुरु क्षेत्र गाउँपालिका-२ उदेयानस्थित कालिगण्डकी नदीमा शुक्रबार मृत अवस्थामा फेला परेकी छन् । गत पुस २९ गते गुल्मी ईन्द्रेगौडा घर जान्छु भनी हिँडेकी उनी हराएको भन्ने उजुरीको आधारमा इलाका प्रहरी कार्यालय रिडी र ईलाका प्रहरी कार्यालय जोहाङबाट खटिएको प्रहरीले खोजी गर्ने क्रममा उनको शव फेला पारेको हो । यस सम्बन्धमा प्रहरीले आवश्यक अनुसन्धान गरिरहेको छ ।