देशका विभिन्न स्थानबाट मृत अवस्थामा तीन जना फेला परेका छन् । सुनसरी, धरान उपमहानगरपालिका-६ पानमारी किशानचोकस्थित नालीमा सोही उपमहानगरपालिका-६ शिवालय टोल बस्ने ६४ वर्षीय सन्चवीर लिम्बु आइतबार मृत अवस्थामा फेला परेका छन् ।

त्यस्तै डोटी, बडिकेदार गाउँपालिका-२ असुरा बस्ने २२ वर्षीय राजीव मास्की मगर सोही गाउँपालिका-३ स्थित पातलको भिर तल आइतबार मृत अवस्थामा फेला परेका छन् ।

यस्तै झापा, अर्जुनधारा नगरपालिका-६ बिहानीटोलमा हाल नाम, थर, वतन नखुलेका ५० वर्षीया महिला सोमबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।