देशका विभिन्न स्थानबाट मृत अवस्थामा  ७ जना फेला परेका छन् । भक्तपुर, सूर्यविनायक नगरपालिका-५ कटुन्जे डेरा गरी काभ्रे नमोबुद्ध नगरपालिका-१ घर भएकी ३५ वर्षीया अनिता थापा आफ्नै कोठामा मंगलबार मृत अवस्थामा फेला परेकी छन् ।

त्यस्तै झापा, कनकाई नगरपालिका-१ जामुनबारीस्थित प्लटिङमा सुनसरी खनार गाउँपालिका-५ बस्ने ६४ वर्षीय कृष्ण बहादुर भुजेल मंगलबार मृत अवस्थामा फेला परेका छन् । यता बाग्लुङ, काठेखोला गाउँपालिका-४ बर्लुङ बस्ने ४० वर्षीय सेतुलाल किसान सोही ठाउँस्थित रानीकरेङ भिरमा मंलगबार मृत अवस्थामा फेला परेका छन् ।

यस्तै गोरखा, सहिदलखन गाउँपालिका-४ फेवाटारस्थित त्रिशुली नदी किनारमा हाल नाम, थर, वतन नखुलेका अन्दाजी ५५ वर्षीय पुरूष मंलगबार मृत अवास्थामा फेला परेका छन् । उता सल्यान, छत्रेश्वरी गाउँपालिका-५ लेखपोखरा बस्ने २३ वर्षीया सिमा कँवर आफ्नै घरमा सोमबार मृत अवस्थामा फेला परेकी छिन् ।

यसैगरी अर्घाखाँची, सन्धिखर्क नगरपालिका-६ फर्ज्याङपुल नजिकै खोलामा हाल नाम, थर, वतन नखुलेका अन्दाजी ५५ वर्षीय पुरूष सोमबार मृत अवस्थामा फेला परेका छन् । त्यसैगरी चितवन, भरतपुर महानगरपालिका-१ नारायणी किनारस्थित हरिहर मन्दिर अगाडी पेटीमा हाल नाम, थर, वतन नखुलेका अन्दाजी ५५ वर्षीय पुरूष सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।