नेपाली बजारमा आज (आइतबार) सुनको मूल्य ६०० रुपैयाँले घटेको छ । स्थानीय बजारमा आज छापावाल सुनको मूल्य प्रतितोला रु १ लाख १८ हजार ९०० रहेकोमा शुक्रबार रु १ लाख १९ हजार ५०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु १ लाख १८ हजार ३५० रहेकामा शुक्रबार प्रतितोला रु १ लाख १८ हजार ९५० मा कारोबार भएकोे थियो ।

यसैगरी आज चाँदीको मूल्य पनि शुक्रबारको मूल्य भन्दा २० रुपैयाँ घट्दै एक हजार ३९५ मा कारोबार भएको छ । शुक्रबार चाँदी प्रतितोला एक हजार ४१५ मा कारोबार भएको थियो । महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ ।