देशका विभिन्न स्थानबाट मृत अवस्थामा तीन जना फेला परेका छन् । काठमाडौं, बुढानिलकण्ठ नगरपालिका-१२ कपन खरिबोट डेरा गरी बस्ने ओखलढुङ्गा मानेभन्ज्याङ गाउँपालिका-६ घर भएकी ३५ वर्षीया सिता मगर आफ्नै कोठामा आइतबार मृत अवस्थामा फेला परेकी छिन् ।

त्यस्तै गुल्मी, धुर्कोट गाउँपालिका-१ ओखलढुङ्गास्थित खुला चौरमा सोही गाउँपालिका-१ पैयापाटा बस्ने ५८ वर्षीय यम बहादुर जिसी सोमबार मृत अवस्थामा फेला परेका छन् । यस्तै सप्तरी, राजबिराज नगरपालिका-६ मुसहरी बस्तीस्थित सडक छेउमा भारत दरभाङगा घर भएका ६५ वर्षीय महेन्द्र सहनी सोमबार मृत अवस्थामा फेला परेका छन् ।

यस सम्बन्धमा प्रहरीले आवश्यक अनुसन्धान गरिरहेको छ ।