देशका विभिन्न स्थानबाट मृत अवस्थामा पाँच जना फेला परेका छन् । रूकुम पश्चिम, मुसिकोट नगरपालिका-१२ बस्ने ५१ वर्षीय हस्त राम खड्का सोही ठाउँस्थित बुगेरी भन्ने स्थानको बाटो छेउमा शुक्रबार मृत अवस्थामा फेला परेका छन् ।

त्यस्तै इलाम, माइजोगमाई गाउँपालिका-३ घारे खोलाको कुलोमा सोही ठाउँ बस्ने ७२ वर्षीय हस्त बहादुर राई शुक्रबार मृत अवस्थामा फेला परेका छन् । यस्तै ललितपुर, ललितपुर महानगरपालिका-४ बागडोल बस्ने २५ वर्षीय विपिन कार्की आफ्नै कोठामा शुक्रबार मृत अवस्थामा फेला परेका छन् ।

यता सर्लाही, मलंगवा नगरपालिका-९ पिपलबोटस्थित खेतमा सोही ठाउँ बस्ने ३० वर्षीय सहमत साफी बिहीबार मृत अवस्थामा फेला परेका छन् । उता धादिङ, बेनिघाट रोराङ गाउँपालिका-३ स्थित त्रिशुली नदीको किनारमा हाल नाम, थर, वतन नखुलेका अन्दाजी ३० वर्षीय पुरूष बिहीबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।