देशका विभिन्न स्थानबाट मृत अवस्थामा छ जना फेला परेका छन् । काठमाडौं महानगरपालिका-१४ स्थित कुलेश्वर बुद्द बिहार अगाडि पार्कमा सोही महानगरपालिका-४ धुम्बराही घर भई काठमाडौं कुलेश्वर बस्ने ५७ वर्षीय राजु देबकोटा शुक्रबार मृत अवस्थामा फेला परेका छन् ।

त्यस्तै बाँके, बैजनाथ गाउँपालिका-५ बनकट्टीस्थित साझा इटा भट्टा नजिक सडक छेउमा बर्दिया बारबर्दिया नगरपालिका-९ बनगाई बस्ने २६ वर्षीया उर्मिला चौधरी शुक्रबार मृत अवस्थामा फेला परेकी छिन् । यस्तै दार्चुला, महाकाली नगरपालिका-४ खलंगास्थित छान्ना तिंकरी कन्या माबिको गेट नजिक सोही नगरपालिका-९ सकार बस्ने ७५ वर्षीय राम सिंह धामी शुक्रबार मृत अवस्थामा फेला परेका छन् ।

यता काभ्रे, धुलिखेल नगरपालिका-९ काभ्रेभन्याङ पुरानो छाँप घर भई बनेपा नगरपालिका-१३ भैसेपाटीमा डेरा गरी बस्ने ८३ वर्षीया लक्ष्मी तामाङ आफ्नै कोठामा शुक्रबार मृत अवस्थामा फेला परेकी छिन् । उता मोरङ, सुन्दरहरैचा नगरपालिका-१ स्थित लोहन्द्रा खोलामा हाल नाम, थर, वतन नखुलेको अन्दाजी २५ वर्षीय पुरूष शुक्रबार मृत अवस्थामा फेला परेका छन् ।

यसैगरी दाङ, बबई गाउँपालिका-१ जिलास्थित बबई नदीमा सल्यान कालीमाटी गाउँपालिका-५ बालुवा बस्ने ६२ वर्षीया पूर्ण कली कुमाल बिहीबार मृत अवस्थमा फेला परेकी छिन् । यस सम्बन्धमा प्रहरीले थप अनुसन्धान गरिरहेको छ ।