नवकान्तिपुर संवाददाता
काठमाडौं, २१ फागुन ।
तनहुँ, शुक्लागण्डकी नगरपालिका-५ स्थित सडकबाट अवैध लागूऔषध गाँजा करिब ४ किलो ७ सय ९० ग्राम सोमबार बिहान प्रहरीले बरामद गरेको छ ।
इलाका प्रहरी कार्यालय बेलचौताराबाट खटिएको प्रहरीले काठमाडौंबाट पोखरातर्फ जाँदै गरेको ग।१ ख ८८१९ नम्बरको बसलाई जाँच गर्ने क्रममा बसको क्याबिनको सिट मुनि राखेको अवस्थामा उक्त गाँजा फेला पारी बरामद गरेको हो । प्रहरीले आवश्यक सोधपुछ तथा अनुसन्धानको लागि बसका सह-चालकलाई नियन्त्रणमा लिएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।
