देशका विभिन्न स्थानबाट मृत अवस्थामा आठ जना फेला परेका छन् । ललितपुर, ललितपुर महानगरपालिका-१३ कुसुन्ती खड्काटोल डेरा गरी पर्सा वीरगंज महानगरपालिका-४ घर भएका ४५ वर्षीय विकास लामा आफ्नै डेरा बाहिर बाटोमा बुधबार मृत अवस्थामा फेला परेका छन् ।

त्यस्तै सिन्धुली, तिनपाटन गाउँपालिका-४ बालाजोरगाउँ बस्ने ४२ वर्षीया खडक माया भुजेल सोही ठाउँस्थित बाँस झ्याङ छेउमा बुधबार मृत अवस्थामा फेला परेकी छिन् । यस्तै सिरहा, धनगढीमाई नगरपालिका-८ मौवाडाडास्थित घुम्ती पसल संचालन गरी बस्ने हाल वतन नखुलेको ७० वर्षीय राम दयाल महतो सोही पसलमा बुधबार मृत अवस्थामा फेला परेका छ्न् ।

उता झापा, बिर्तामोड नगरपालिका-४ सिदार्थ होटल नजिकै सोही ठाउँ बस्ने भारत घर भएका ४० वर्षीय सुनिल राजबंशी बुधबार मृत अवस्थामा फेला परेका छन् । यता कैलाली, भजनी नगरपालिका-३ कुसमघाटस्थित मोहना नदीमा हाल नाम, थर, वतन नखुलेका अन्दाजी २३ वर्षीय पुरूष बुधबार मृत अवस्थामा फेला परेका छन् ।

यसैगरी धनुषा, मिथिला नगरपालिका-५ श्रीपुरस्थित औरही खोलाको बगरमा क्षिरेश्वरनाथ नगरपालिका-५ बस्ने ३५ वर्षीय नागेश्वर यादव मंगलबार मृत अवस्थामा फेला परेका छन् । त्यसैगरी बर्दिया, बढैयाताल गाउँपालिका-५ बढैयातालस्थित बाटो छेउमा बाँके खजुरा गाउँपालिका-८ बस्ने ९५ वर्षीय कल्लु खाँ मंगलबार मृत अवस्थामा फेला परेका छन् ।

यस्तै पर्सा, बिन्दाबासनी गाउँपालिका-५ हस्वा टोलस्थित खेतमा भारत बिहार पूर्वी चम्पारण अनसारुल हक-३ बक्सा गमहरिया बस्ने ४२ वर्षीय मोहमद ईरसाद मंगलबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।