देशका विभिन्न स्थानबाट मृत अवस्थामा छ जना फेला परेका छन् । दाङ, घोराही उपमहानगरपालिका-२ बुका बस्ने २५ वर्षीया बिना पुन सोही ठाउँस्थित सिचाई गर्नको लागि बनाईएको ड्याममा बिहीबार मृत अवस्थामा फेला परेकी छिन् ।

त्यस्तै सिन्धुपाल्चोक, जुगल गाउँपालिका-१ बाँससिम्ले बस्ने ४७ वर्षीय डम्बर बहादुर थापा सोही ठाउँस्थित आफ्नै पाखोबारीमा बिहीबार मृत अवस्थामा फेला परेका छन् । बुधबार बिहान घरबाट हिँडेका उनको खोजी गर्ने क्रममा शव फेला परेको हो ।

यस्तै मकवानपुर, राक्सिराङ गाउँपालिका-५ टङरङस्थित बाख्राको खोर छेउमा सोही गाउँपालिका-५ चुरीडाँडा बस्ने २८ वर्षीय सोमलाल प्रजा बिहीबार मृत अवस्थामा फेला परेका छन् । यता काठमाडौं महानगरपालिका-१६ बनस्थली ढुङ्गेधारा भृकुटीटोल डेरा गरी बस्ने गोरखा शहिदलखन गाउँपालिका-२ घर भएकी ४० वर्षीया मिना थापा आफ्नै कोठाभित्र बुधबार मृत अवस्थामा फेला परेकी छिन् ।

उता नवलपरासी पूर्व, कावासोती नगरपालिका-१६ हरबासी बस्ने ४४ वर्षीय श्याम बहादुर क्षेत्री (जि.सी.) आफ्नै घरमा बुधबार मृत अवस्थामा फेला परेका छन् । यस्तै ओखलढुंगा, मोलुङ गाउँपालिका-२ ढुस्के बस्ने ३५ वर्षीया निर्मला दर्जी आफ्नै घरमा बुधबार मृत अवस्थामा फेला परेकी छिन् । यस सम्बन्धमा प्रहरीले थप अनुसन्धान गरिरहेको छ ।