नवकान्तिपुर संवाददाता
काठमाडौं, २७ फागुन ।
सुनसरी, बराहक्षेत्र नगरपालिका-५ कालाबञ्जार चोकस्थित प्रमिला होटेलमा जुवातास खेलिरहेको अवस्थामा होटल संचालक सोही ठाउँ बस्ने ४५ वर्षीय कुमार थापासहित ६ जनालाई शनिबार दिउँसो प्रहरीले पक्राउ गरेको छ ।
विशेष सूचनाको आधारमा इलाका प्रहरी कार्यालय महेन्द्रनगरबाट खटिएको प्रहरीले उनीहरूलाई नगद १० हजार ७ सय ३० रूपैयाँ र ५ बुक ताससहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
