देशका विभिन्न स्थानबाट मृत अवस्थामा पाँच जना फेला परेका छन् । मकवानपुर, हेटौंडा उपमहानगरपालिका-४ भुटनदेवी मोड डेरा गरी बस्ने चितवन रत्ननगर नगरपालिका-२ घर भएका ३७ वर्षीय राज कुमार श्रेष्ठ आफ्नै कोठामा सोमबार मृत अवस्थामा फेला परेका छन् ।

त्यस्तै संखुवासभा, खाँदबारी नगरपालिका-१ सजग टोल बस्ने ६१ वर्षीया हिरादेवी ठटाल आफ्नै घरमा सोमबार मृत अवस्थामा फेला परेकी छिन् । यस्तै पाँचथर, कुम्मायक गाउँपालिका-३ हाङठुवा बस्ने ३४ वर्षीया चन्द्रकला तामाङ सोमबार मृत अवस्थामा फेला परेकी छिन् ।

उता अछाम, मंगलसेन नगरपालिका-३ बिसाकोट सामुदायिक वनको खोलाको किनारमा कैलाली लम्की चुहा नगरपालिका-५ बस्ने ८० वर्षीय जहरी सुनार सोमबार मृत अवस्थामा फेला परेका छन् । यता सिरहा, कर्जन्हा नगरपालिका-१ उत्रेणी जाने बाटोस्थित सिचाँई कुलोमा हाल नाम, थर, वतन नखुलेका अन्दाजी ५० वर्षीय पुरूष सोमबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।