देशका विभिन्न स्थानबाट मृत अवस्थामा पाँच जना फेला परेका छन् । मकवानपुर, थाहा नगरपालिका-१० स्थित तल्लो बिसिङ्गखेल बस्ने ५० वर्षीया ज्ञानीमाया गमाल आफ्नै घरमा बुधबार मृत अवस्थामा फेला परेकी छिन् ।

त्यस्तै झापा, गौरीगंज गाउँपालिका-४ हुक्कागाछी बस्ने ५४ वर्षीय अनत लाल साह सोही ठाउँस्थित बाटोको नालामा बुधबार मृत अवस्थामा फेला परेका छन् । यस्तै गोरखा, अजिरकोट गाउँपालिका-५ गाडाँपानीस्थित खोल्सामा सोही गाउँपालिका मुच्चोकटार बस्ने ५५ वर्षीया उमा देवकोटा बुधबार मृत अवस्थामा फेला परेकी छिन् ।

यता ललितपुर, ललितपुर महानगरपालिका-१८ चोभारस्थित बाग्मती खोलामा हाल नाम, थर, वतन नखुलेका अन्दाजी ४० वर्षीय पुरूष बुधबार मृत अवस्थामा फेला परेका छन् । उता रामेछाप, दोरम्बा शैलुङ गाउँपालिका-७ लखनपुर बस्ने २२ वर्षीय विशाल घतानी सोही गाउँपालिका-४ दर्गास्थित खडी चौरीखोलाको बगरमा मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।