हत्या गरी फरार रहेका सोलुखुम्बु नेचा सल्यान गाउँपालिका–४ घर भएका ४१ वर्षीय तिखे भन्ने तेजबहादुर राईलाई वारदात घटनाको २१ वर्षपछि सोमबार प्रहरीले पक्राउ गरेको छ ।
काठमाडौं महानगरपालिका–१९ मरुढोका ईनाटोलस्थित बधशालाभित्र सोही ठाउँ बस्ने २६ वर्षीय संजय शाहीलाई २०५९ असोज १४ गते तेजबहादुर समेतले फलामको रड प्रहार गरी हत्या गरेपश्चात विष्णुमती खोला किनारमा फाली फरार भएका थिए ।
काठमाडौं उपत्यका अपराध अनुसन्धान कार्यालय मीनभवनबाट खटिएको प्रहरीले घटनामा संलग्न राईलाई काठमाडौं महानगरपालिका–३२ कोटेश्वरबाट पक्राउ गरेको हो ।
उनलाई आवश्यक कारवाहीको लागि जिल्ला अदालत काठमाडौंमा बुझाइएको छ ।
