देशका विभिन्न स्थानबाट मृत अवस्थामा चार जना फेला परेका छन् । काठमाडौं, गोकर्णेश्वर नगरपालिका-८ आरुबारी डेरा गरी बस्ने भोजपुर लेखखर्क गाउँपालिका-९ घर भएका ६२ वर्षीय लाक्पा शेर्पा आफ्नै कोठामा बुधबार मृत अवस्थामा फेला परेका छन् ।

त्यस्तै रामेछाप, लिखु तामाकोशी गाउँपालिका-४ नंगी बस्ने ५२ वर्षीय बुक बहादुर सुनुवार आफ्नै घर नजिकै रहेको करेसाबारीमा बुधबार मृत अवस्थामा फेला परेका छन् । यस्तै दाङ, राप्ती गाउँपालिका-१ बगास्वतीस्थित राप्ती नदी किनारमा लमही नगरपालिका-३ बस्ने ६८ वर्षीया जोगा थापा क्षेत्री बुधबार मृत अवस्थामा फेला परेकी छिन् ।

उता सप्तरी, कंचनरुप नगरपालिका-१२ स्थित धरमपुर सामुदायिक वनमा हाल नाम, थर, वतन नखुलेका अन्दाजी ३५ वर्षीय पुरूष बुधबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।