वेस्टर्न युनियन मनी ट्रान्सफरका प्रमुख एजेन्टहरुले नयाँ वर्ष लक्षित ‘नगदमा हर्ष बनिरहोस्, नयाँ वर्ष शुभ रहोस्’ अभियानको विजेता, शवाना प्रविनको नाम सार्वजनिक गरेका छन् । विजेता प्रविनले बम्पर लक्की ड्रमार्फत एक लाख नगद प्राप्त गरेकी छन् ।

वेस्टर्न युनियनका सुपर एजेन्टहरु, एटीटी रेमिट, सीजी फिन्को, हुलास रेमिट्यान्स, माया रेमिट, नबिल बैंक र सूर्य रेमिटका प्रतिनिधिहरुका बीच काठमाडौँमा आयोजित कार्यक्रममा विजेताको नाम घोषणा गरिएको हो ।

नेपालमा सत्ताइस वर्षभन्दा बढी समयदेखि रेमिट्यान्स सेवा प्रदान गर्दै आएको वेस्टर्न युनियनले नयाँ वर्षलाई लक्षित गरी ‘नगदमा हर्ष बनिरहोस्, नयाँ वर्ष शुभ रहोस्’ अभियान शुरु गरेको थियो । बम्परमा एक लाखबाहेक पाँच हप्तासम्म पैंतिस भाग्यशाली ग्राहकहरुले १५÷१५ हजार नगद रकम जित्ने मौका पनि प्राप्त गरेका थिए ।

नेपालकै पहिलो रेमिट्यान्स सेवा प्रदायक वेस्टर्न युनियन मनी ट्रान्सफरले नेपालीहरुलाई सन् १९९६ देखि विश्वका २०० भन्दा बढी देश र क्षेत्रहरुबाट पैसा प्राप्त गर्ने सेवा प्रदान गर्दै आएको छ ।