मृत अवस्थामा देशका विभिन्न स्थानबाट पाँच जना फेला परेका छन् । कास्की, पोखरा महानगरपालिका-६ बैदाम केदारेश्वर मन्दिर पछाडी फेवातालमा हाल नाम, थर, वतन नखुलेका अन्दाजी ५५ वर्षीय पुरूष शनिबार मृत अवस्थामा फेला परेका छन् ।

त्यस्तै धनुषा, धनुषाधाम नगरपालिका-३ तेजनगर बस्ने अर्जुन सदाको छोरा १८ महिनाको अमन सदा सोही ठाउँस्थित पोखरीमा शनिबार मृत अवस्थामा फेला परेका छन् । यस्तै सुनसरी, इटहरी उपमहानगरपालिका-११ सिमरवनास्थित बारीमा हाल नाम, थर, वतन नखुलेका अन्दाजी ३० वर्षीय पुरूष शनिबार मृत अवस्थामा फेला परेका छन् ।

उता कैलाली, धनगढी उपमहानगरपालिका-१३ राजपुर दाना फ्याक्ट्री अगाडि हाल नाम, थर, वतन नखुलेका अन्दाजी ४० वर्षीय पुरूष शनिबार मृत अवस्थामा फेला परेका छन् । यता ललितपुर, ललितपुर महानगरपालिका-८ बालकुमारी आकासे पुल मुनी हाल नाम, थर, वतन नखुलेका अन्दाजी ३३ वर्षीय पुरूष आइतबार मृत अवस्थामा फेला पारेका छन् । यस सम्बन्धमा प्रहरीले थप अनुसन्धान गरिरहेको छ ।