देशका विभिन्न स्थानबाट मृत अवस्थामा आठ जना फेला परेका छन् । ललितपुर, ललितपुर महानगरपालिका-४ धोबिघाट बस्ने खोटाङ बाह्रपोखरी गाउँपालिका-३ घर भएका ६२ वर्षीय अशोक विक सोही महानगरपालिकास्थित पिपलबोट नजिक सडकको पेटीमा बिहीबार मृत अवस्थामा फेला परेका छन् ।

त्यस्तै पर्सा, वीरगंज महानगरपालिका-१६ स्थित सडक पेटीमा वीरगंज महानगरपालिका- १९ घर भई वीरगंज रानीघाट डेरा गरी बस्ने २८ वर्षीय नन्दकिशोर साह सोनार बिहीबार मृत अवस्थामा फेला परेका छन् । यस्तै गोरखा, अजिरकोट गाउँपालिका-५ तानतले जंगलमा पालुङटार नगरपालिका-१० लप्सीचौर बस्ने ७५ वर्षीय मंगल कोईराला बिहीबार मृत अवस्थामा फेला परेका छन् ।

उता सर्लाही, बरहथवा नगरपालिका-११ हिरापुर ब्यारेजस्थित मनुषमरा सिंचाई २ नम्बर पुलको मुनी पानीमा सोही ठाउँ बस्ने ६० वर्षीय शंकर दास बिहीबार मृत अवस्थामा फेला परेका छन् । यता चितवन, भरतपुर महानगरपालिका-२६ सिसवासस्थित नारायणी नदीमा हाल नाम, थर, वतन नखुलेका अन्दाजी ४५ वर्षीय पुरूष बिहीबार मृत अवस्थामा फेला परेका छन् ।

यसैगरी गोरखा, पालुङटार नगरपालिका-१ सेराखेतस्थित छाप्रोमा सोही नगरपालिका-१ खोप्लाङ बस्ने ६३ वर्षीय मुरली लामा बुधबार मृत अवस्थामा फेला परेका छन् । यस्तै चितवन, भरतपुर महानगरपालिका-२८ सालबासस्थित नारायणी नदी किनारमा हाल नाम, थर, वतन नखुलेका पुरूषको शव बुधबार फेला परेको छ ।

त्यस्तै काभ्रे, बनेपा नगरपालिका-६ स्थित गोसाँईस्थान टावरको सिडिमा हाल नाम, थर, वतन नखुलेका अन्दाजी २४ वर्षीय पुरूष बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।