देशका विभिन्न स्थानबाट मृत अवस्थामा पाँच जना फेला परेका छन् । दोलखा, कालिञ्चोक गाउँपालिका-७ पाटागाउँ बस्ने ७५ वर्षीया पदम कुमारी सुनुवार आफ्नै घरमा बिहीबार मृत अवस्थामा फेला परेकी छिन् ।

त्यस्तै ओखलढुंगा, मोलुङ गाउँपालिका-६ सोलाखर्क बस्ने ६५ वर्षीय खडानन्द दाहाल सोही ठाउँस्थित सडकमा बिहीबार मृत अवस्थमा फेला परेका छन् । यस्तै धनुषा, मिथिला नगरपालिका-६ बस्ने ७० वर्षीय कारी भन्ने लालबाबु दास सोही नगरपालिका-७ स्थित सानो बसाई खोलाको बगरमा बिहीबार मृत अवस्थामा फेला परेका छन् ।

उता कपिलवस्तु, कृष्णनगर नगरपालिका-७ भौरहवास्थित पोखरीमा सोही ठाउँ बस्ने दुखिराम कोहारको छोरी १६ वर्षीया दुर्गावती कोहार बुधबार मृत अवस्थामा फेला परेकी छिन् ।

यता बारा, प्रसौनी गाउँपालिका-७ बनजरियास्थित बङ्ग्री खोलाको किनारमा सोही ठाउँ बस्ने ७७ वर्षीय राजेश्वर महरा चमार बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।