देशका विभिन्न स्थानबाट मृत अवस्थामा ११ जना फेला परेका छन् । रूकुम पश्‍चिम, सानिभेरी गाउँपालिका-४ लामचौर बस्ने ४९ वर्षीया सुशिला मल्ल आफ्नै घरमा बुधबार मृत अवस्थामा फेला परकी छिन् ।

त्यस्तै रूपन्देही, सिद्धार्थनगर नगरपालिका-४ सुगरमिल बस्ने ५५ वर्षीय दया शंकर गुप्ता आफ्नै घरमा बुधबार मृत अवस्थामा फेला परेका छन् । यस्तै कालिकोट, तिलागुफा नगरपालिका-८ घोडागैरा बस्ने २५ वर्षीया सम्झना चौलागाई आफ्नै घरमा बुधबार मृत अवस्थामा फेला परेकी छिन् ।

उता नवलपरासी पूर्व, कावासोती नगरपालिका-४ हसौरा बस्ने रामजी ढुङगानाको छोरा साढे २ वर्षको सुवास ढुंगाना सोही नगरपालिका-४ तिलाहस्थित हसौरा खोला किनारमा बुधबार मृत अवस्थामा फेला परेका छन् । मंगलबारदेखि हराएका उनको खोजी गर्ने क्रममा शव फेला परेको हो ।

यता कैलाली, धनगढी उपमहानगरपालिका-९ बङ्ग्राकटान बस्ने ५३ वर्षीय बिन्दु चौधरी सोही ठाउँस्थित सुकुटी खोलाको किनारमा बुधबार मृत अवस्थामा फेला परेका छन् । सोमबार बेलुकी बजारतर्फ गएका उनी घर फर्की नआएपछि खोजी गर्ने क्रममा शव फेला परेको हो ।

त्यसैगरी रौतहट, गरूडा नगरपालिका-९ सिस्वाधमौरा बस्ने जितेन्द्र दासकी छोरी १० वर्षीया प्रिन्जमा कुमारी दास सोही ठाउँस्थित डोरा खोलामा बुधबार मृत अवस्थामा फेला परेकी छिन् । सोमबार दिउँसो डुबेर बेपत्ता भएकी उनको खोजी गर्ने क्रममा शव फेला परेको हो । यता ललितपुर, ललितपुर महानगरपालिका-८ बालकुमारी मन्दिरको पाटीमा हाल नाम, थर, वतन नखुलेका अन्दाजी ३० वर्षीय पुरूष बुधबार मृत अवस्थामा फेला परेका छन् ।

यसैगरी दाङ, घोराही उपमहानगरपालिका-१० जलौरा बस्ने ८४ वर्षीय पलु बस्नेत सोही ठाउँस्थित बाटोको नालामा मंगलबार मृत अवस्थामा फेला परेका छन् । उता धनुषा, जनकपुर उपमहानगरपालिका-९ स्थित सागवतीसर पोखरीमा भारत सितामाढी कोरियाही गाँउ बस्ने ४६ वर्षीय राजेश रञ्जन मंगलबार मृत अवस्थामा फेला परेका छन् ।

त्यस्तै पर्सा, वीरगंज महानगरपालिका-५ कुमाल टोल डेरा गरी बस्ने हाल नाम, थर, वतन नखुलेका करिब ७५ वर्षीय पुरूष आफ्नै कोठामा मंगलबार मृत अवस्थामा फेला परेका छन् । यस्तै कञ्चनपुर, शुक्लाफाटा नगरपालिका-४ असैना बस्ने ३४ वर्षीय चन्द्र सिह राना आफ्नै
घरमा बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।