देशका विभिन्न स्थानबाट मृत अवस्थामा तीन जना फेला परेका छन् । रौतहट, चन्द्रपुर नगरपालिका-७ नयाँबस्तीस्थित घर भित्र सोही ठाउँ बस्ने ३२ वर्षीया सरिता दास शुक्रबार मृत अवस्थामा फेला परेकी छिन् ।

त्यस्तै काभ्रे, बनेपा नगरपालिका-१ रायगाउँस्थित बाटो छेउको बाँसको झ्याङमा सालनाल सहितको बालिका शिशुको शव शुक्रबार फेला परेको छ । यस्तै गोकर्णेश्वर नगरपालिका-१ स्थित सुन्दरीजल घट्टेखोला नजिकै काठमाडौं महानगरपालिका-३२ काँडाघारी पेप्सीकोला बस्ने २८ वर्षीय बिबेक पौडेल शुक्रबार मृत अवस्थामा फेला परेका छन् ।

सुन्दरीजल घुम्न गएको अवस्थामा बिहीबार साँझ घट्टेखोलामा खसेर बेपत्ता भएको भन्ने खबर प्राप्त हुनासाथ प्रहरी वृत्त बौद्व समेतबाट खटिएको संयुक्त टोलीले खोजी गर्ने क्रममा शव फेला परेको हो । यस सम्बन्धमा प्रहरीले आवश्यक अनुसन्धान गरिरहेको छ ।