मृत अवस्थामा देशका विभिन्न स्थानबाट पाँच जना फेला परेका छन् । सुनसरी, बर्जु गाउँपालिका-५ कटुवाल टोल बस्ने ५८ वर्षीय ओम कुमार कटुवाल सोही ठाउँस्थित सितागंज नहरको हिम पाईपभित्र सोमबार मृत अवस्थामा फेला परेका छन् ।

आइतबार साँझदेखि हराई बेपत्ता भएका उनको खोजी गर्ने क्रममा शव फेला परेको हो । त्यस्तै दाङ, तुलसीपुर उपमहानगरपालिका-१ रानीटाकुरा बस्ने ६१ वर्षीय उत्तम थापा आफ्नै घरमा सोमबार मृत अवस्थामा फेला परेका छन् ।

यस्तै नवलपरासी पश्‍चिम, सरावल गाउँपालिका-६ गडौरीस्थित खेतमा सोही गाउँपालिका- ४ पुर्नाहा बस्ने ३५ वर्षीय हिरन साहानी सोमबार मृत अवस्थामा फेला परेका छन् । यता काठमाडौं महानगरपालिका-६ बौद्ध चुच्चेपाटी ढुङ्गेधारा डेरा गरी बस्ने बैतडी दशरथ चन्द नगरपालिका-४ घर भएका २४ वर्षीय नबिन सिंह बोहरा आफ्नै कोठामा आइतबार मृत अवस्थामा फेला परेका छन् ।

उता डोटी, जोरायल गाउँपालिका-२ बुडर बजारस्थित होटलमा हाल नाम, थर, वतन नखुलेका अन्दाजी ३० वर्षीय पुरूष सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।