मृत अवस्थामा देशका विभिन्न स्थानबाट तीन जना फेला परेका छन् । दैलेख, नौमुले गाउँपालिका-६ सल्लेरी बस्ने ५३ वर्षीय सूर्य बहादुर खड्का सोही गाउँपालिका-५ सम्मेमी पानी ट्याङ्कीस्थित गोरेटो बाटोमा सोमबार मृत अवस्थामा फेला परेका छन् ।
त्यस्तै कपिलवस्तु, शिवराज नगरपालिका-५ नयाँबस्तीस्थित खेतमा सोही नगरपालिका सापकोटा टोल बस्ने ५४ वर्षीय डम्बर बहादुर गिरी सोमबार मृत अवस्थामा फेला परेका छन् ।
यस्तै कैलाली, टीकापुर नगरपालिका-२ बिजयनगर सिविरको सडकको पानी जमेको नालीमा सोही ठाउँ बस्ने ६२ वर्षीया तुलिया चौधरी मंगलबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।
