देशका विभिन्न स्थानबाट मृत अवस्थामा तीन जना फेला परेका छन् । बारा, प्रसौनी गाउँपालिका-७ बस्ने ३५ वर्षीय हरिन्द्र मण्डल कलैया उपमहानगरपालिका-२३ बैराठपुरस्थित धान खेतको आलीमा मंगलबार मृत अवस्थामा फेला परेका छन् ।

त्यस्तै कञ्चनपुर, भिमदत्त नगरपालिका-३ बह्मदेव हाईवेस्थित शुभयात्रा जिप/कार रिपेरिङ एण्ड वासिङ सेन्टरमा काम गर्ने बेतकोट नगरपालिका-७ लालपुर बस्ने १८ वर्षीय रमेश विक सोही वासिङ सेन्टर नजिकै रहेको कोठामा बुधबार मृत अवस्थामा फेला परेका छन् ।

यस्तै ताप्लेजुङ, सिरिजंघा गाउँपालिका-१ जुकेमा हाल नाम, थर, वतन नखुलेका पुरूषको शव मंगलबार सडिगलेको अवस्थामा फेला परेको छ ।यस सम्बन्धमा प्रहरीले आवश्यक अनुसन्धान गरिरहेको छ ।