नवकान्तिपुर संवाददाता
काठमाडौं, १४ भदौ ।
सुनसरी, धरान उपमहानगरपालिका-१३ आँपगाछीस्थित सडकबाट अवैध लागूऔष गाँजा करिब २४ किलोग्राम सहित धनकुटा शहिदभूमि गाउँपालिका-६ बस्ने २९ वर्षीय कुशल राईलाई बिहीबार दिउँसो प्रहरीले पक्राउ गरेको छ ।
अस्थायी प्रहरी चौकी अमरहाटबाट खटिएको प्रहरीले धनकुटाबाट धरानतर्फ आउँदै गरेको को.१ ख २१६० नम्बरको माइक्रो गाडीलाई जाँच गर्ने क्रममा गाडीमा सवार राईलाई उक्त गाँजा सहित पक्राउ गरेको हो ।
गाडी चालकलाई थप अनुसन्धानको लागि प्रहरीले नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।
