देशका विभिन्न स्थानबाट मृत अवस्थामा छ जना फेला परेका छन् । काठमाडौं महानगरपालिका-१३ कालिमाटीस्थित कालिमाटी चोक नजिक सडक पेटीमा काठमाडौं चन्द्रागिरी नगरपालिका-१४ घर भएका ५६ वर्षीय बिर सिंह राना मगर शुक्रबार मृत अवस्थामा फेला परेका छन् ।

त्यस्तै झापा, गौरादह नगरपालिका-६ शिवजी चोकमा सोही नगरपालिका-७ गछीयामारी टोल बस्ने ४० वर्षीय दुर्गे हस्दा शुक्रबार मृत अवस्थामा फेला परेका छन् । यसैगरी झापा, बिर्तामोड नगरपालिका-५ मुक्तिचौकस्थित सडक छेउमा हाल नाम, थर, वतन नखुलेका अन्दाजी ६० वर्षीय पुरूष शनिबार मृत अवस्थामा फेला परेका छन् ।

यस्तै रूपन्देही, सम्मरीमाई गाउँपालिका-३ पिप्रहवा बस्ने सन्तोष चमारको छोरा १६ वर्षीय विरू चमार सोही ठाउँस्थित खेतमा शुक्रबार मृत अवस्थामा फेला परेका छन् । उता चितवन, भरतपुर महानगरपालिका-२६ आदर्श टोलस्थित घाँसे झाडीमा सोही ठाउँ बस्ने ६३ वर्षीय शुक बहादुर महतो शनिबार मृत अवस्थामा फेला परेका छन् ।

यता कञ्चनपुर, भिमदत्त नगरपालिका-११ चौकीसत्तास्थित दश गजामा जमेको पानीमा सोही नगरपालिका-५ शुकासाल बस्ने ७१ वर्षीय श्यामु दमाइ शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।