देशका विभिन्न स्थानबाट मृत अवस्थामा १४ जना फेला परेका छन् । संखुवासभा, चैनपुर नगरपालिका-१० सल्लेरी बस्ने ७८ वर्षीय बर्ज बहादुर राई सोही ठाउँस्थित खोल्सीमा मंगलबार मृत अवस्थामा फेला परेका छन् । सोमबार बिहान घरबाट हिँडेका उनी घर फर्कि नआएपछि खोजी गर्ने क्रममा उनको शव फेला परेको हो ।

त्यस्तै प्युठान, झिमरूक गाउँपालिका-३ र ८ को सिमाना साथीमुरेस्थित झिमरूक नदीमा हाल नाम, थर, वतन नखुलेकी अन्दाजी ४० वर्षीया महिला मंगलबार मृत अवस्थामा फेला परेकी छिन् । यस्तै धनकुटा, महालक्ष्मी नगरपालिका-६ गुठीगाउँ बस्ने ४० वर्षीय उद्धव बर्देवा सोही नगरपालिका-६ स्थित बाटोमा सोमबार मृत अवस्थामा फेला परेका छन् ।

यता ललितपुर, ललितपुर महानगरपालिका-११ चिल्ड्रेनपार्कस्थित घरको आँगनमा सोही महानगरपालिका-११ इमुखेल बस्ने ३१ वर्षीय संगम देउला सोमबार मृत अवस्थामा फेला परेका छन् । उता सर्लाही, बरहथवा नगरपालिका-११ डियर बस्ने ४५ वर्षीय बिकाउ भन्ने खुबलाल राय आफ्नै घरमा सोमबार मृत अवस्थामा फेला परेका छन् ।

त्यसैगरी झापा, शिवसताक्षी नगरपालिका-१० दोमुखास्थित कन्काई माईखोलामा हाल नाम, थर, वतन नखुलेकी अन्दाजी ४५ वर्षीया महिला सोमबार मृत अवस्थामा फेला परेकी छिन् । यसैगरी झापा, मेचिनगर नगरपालिका-४ आलडागी बस्ने २४ वर्षीया अस्मिता खड्का घर नजिकै रहेको धारामा सोमबार मृत अवस्थामा फेला परेकी छिन् ।

यस्तै मकवानपुर, बाग्मती गाउँपालिका-४ चौरादोभानस्थित बागमती खोलाको बिच बगरमा हाल नाम, थर, वतन नखुलेकी अन्दाजी २५ वर्षीया महिला सोमबार मृत अवस्थामा फेला परेकी छिन् । त्यसैगरी कपिलवस्तु, बिजयनगर गाउँपालिका-४ मिजुनियया बस्ने बेकारू रैदासको छोरी १६ वर्षीया पुष्पा रैदास सोही ठाउँस्थित ताडी पोखरीमा मंगलबार मृत अवस्थामा फेला परेकी छिन् ।

त्यस्तै पाँचथर, हिलिहाङ गाउँपालिका-२ सिरूपास्थित काबेली खोलाको किनारमा हाल नाम, थर, वतन नखुलेका अन्दाजी ५२ वर्षीय पुरूष सोमबार मृत अवस्थामा फेला परेका छन् । उता कञ्चनपुर, भिमदत्त नगरपालिका-९ ब्रह्मदेबस्थित महाकाली नदीमा हाल नाम, थर, वतन नखुलेका अन्दाजी ४० वर्षीय पुरूष सोमबार मृत अवस्थामा फेला परेका छन् । यसैगरी रूपन्देही, सैनामैना नगरपालिका-३ हाटबजार लाईन बस्ने ३४ वर्षीय शिव शर्मा आफ्नै घरमा सोमबार मृत अवस्थामा फेला परेका छन् ।

त्यस्तै नवलपरासी पश्‍चिम, सरावल गाउँपालिका-१ देबीनगरस्थित बाटोको कल्भर्ट मुनी सोही ठाउँ बस्ने ३५ वर्षीय बसन्त चौधरी सोमबार मृत अवस्थामा फेला परेका छन् । यस्तै सिन्धुली, तिनपाटन गाउँपालिका-८ पिप्ले गिरीटोल बस्ने ९० वर्षीय पन्चे तामाङ सोही ठाउँस्थित खोल्सामा सोमबार मृत अवस्थामा फेला परेका छन् ।

शनिबार घरबाट हिँडी बेपत्ता भएका उनको खोजी गर्ने क्रममा शव फेला परेको हो । यस सम्बन्धमा प्रहरीले आवश्यक अनुसन्धान गरिरहेको छ ।