देशका विभिन्न स्थानबाट मृत अवस्थामा आठ जना फेला परेका छन् । ललितपुर, महालक्ष्मी नगरपालिका-८ लुभु बसपार्क नजिक रहेको मन्दिरको पेटीमा हाल वतन नखुलेका प्रेम तामाङ भनी बोलाउने अन्दाजी ५० वर्षीय पुरूष बुधबार मृत अवस्थामा फेला परेका छन् ।

यसैगरी ललितपुर, ललितपुर महानगरपालिका-९ मनोहरा पुलस्थित खोलाको किनारमा काठमाडौं महानगरपालिका-३२ कोटेश्वर बस्ने ३५ वर्षीय रबिन शाह बुधबार मृत अवस्थामा फेला परेका छन् ।

त्यस्तै बैतडी, पाटन नगरपालिका-६ बस्ने ६२ वर्षीय खडक सिंह भण्डारी सोही नगरपालिका-६ स्थित सुर्नया नदीको किनार तिपरीगाडमा बिहीबार मृत अवस्थामा फेला परेका छन् । उता रौतहट, परोहा नगरपालिका-७ नरकटिया टोल बस्ने नरेश प्रसाद पटेलकी छोरी १६ वर्षीया अन्जली पटेल सोही नगरपालिका-८ स्थित भकुवा खोलाको किनारमा बिहीबार मृत अवस्थामा फेला परेकी छिन् ।

यता धनुषा, धनौजी गाउँपालिका-५ बस्ने ६० वर्षीया जुगछी मण्डल जनकपुर उपमहानगरपालिका-२० जलाद खोलास्थित नयाँ बन्दै गरेको पुलको पिलरको छेउमा बिहीबार मृत अवस्थामा फेला परेकी छिन् । त्यसैगरी मोरङ, बेलबारी नगरपालिका-८ बरियातिझार बस्ने मेघराज कट्वालको छोरा २ वर्षीय दिप्सन कट्वाल सोही ठाउँस्थित धानखेतमा बिहीबार मृत अवस्थामा फेला परेका छन् ।

यस्तै नवलपरासी पूर्व, बिनयी त्रिवेणी गाउँपालिका-७ स्थित नारायणी नदी किनारमा हाल नाम, थर, वतन नखुलेका अन्दाजी ५० वर्षीय पुरूष बुधबार मृत अवस्थामा फेला परेका छन् । त्यस्तै सर्लाही, बाग्मती नगरपालिका-६ लालबहादुर चोकस्थित सामुदायिक नर्सरीभित्र हाल नाम, थर, वतन नखुलेका अन्दाजी ८० वर्षीय पुरूष बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।